انوشکا شرما نے بطور ماں بہت قربانیاں دیں‘ ویرات کوہلی

51

دہلی ( این این آئی) بھارتی کرکٹ ٹیم کے بیٹر ویرات کوہلی نے کہا ہے کہ میری اہلیہ انوشکا شرما نے گزشتہ دو سالوں میں ایک ماں کے طور پر بڑی قربانیاں دی ہیں۔بھارتی میڈیا کے مطابق حال ہی میں ایک انٹرویو کے دوران ویرات کوہلی نے کہا کہ انوشکا شرما نے اپنی زندگی جیسے گزاری

اسے دیکھ کر احساس ہوتا ہے کہ میرے مسائل تو کچھ بھی نہیں تھے۔اپنی شادی شدہ زندگی اور والد بننے کے بعد کی زندگی سے متعلق بات کرتے ہوئے ویرات کوہلی نے کہا کہ سب سے اہم چیز اہل خانہ کی آپ سے محبت ہوتی ہے۔بھارتی بیٹر نے کہا کہ انوشکا شرما میرے لی یحوصلہ افزا شخصیت رہی ہے، میرا اور انوشکا کی زندگی کا نقطہ نظر بالکل مختلف تھا۔لیکن جب آپ کسی سے محبت کرتے ہیں تو خود کے اندر اس انسان والی تبدیلی لاتے ہیں۔یاد رہے کہ اس سے قبل اسی سال ایک انٹرویو کے دوران ویرات کوہلی نے انوشکا شرما کے ساتھ اپنے برے سلوک کا اعتراف کیا تھا۔ویرات کوہلی نے کہا تھا کہ اچھی پرفارمنس دکھانے میں ناکامی کی وجہ سے میری طبیعت میں اشتعال انگیزی اور غصہ تھا اور اسی وجہ سے میرا رویہ اپنی بیوی انوشکا اور گھر والوں کے ساتھ بالکل بھی منصفانہ نہیں تھا۔واضح رہے کہ ویرات کوہلی اور بالی ووڈ اداکارہ انوشکا شرما نے 2017 ء میں شادی کی تھی جس کے بعد جنوری 2021 ء میں ان کے ہاں بیٹی کی پیدائش ہوئی تھی۔

اپنی رائے کا اظہار کریں

Your email address will not be published.