نگران وزیراعلیٰ محسن نقوی کی بانی پاکستان قائداعظم محمد علی جناحؒ کے مزار پر حاضری، مزار قائدؒ پر پھول رکھے اور فاتحہ خوانی کی

22

اسلام آباد (نیوز ڈیسک) نگران وزیراعلیٰ پنجاب محسن نقوی نے آج کراچی میں بانی پاکستان قائداعظم محمد علی جناحؒ کے مزار پر حاضری دی۔ وزیراعلیٰ محسن نقوی نے مزار قائدؒ پر پھول رکھے اور فاتحہ خوانی کی۔ وزیراعلیٰ محسن نقوی نے ملک کے استحکام، سا لمیت اور ترقی و خوشحالی کیلئے دعا مانگی اور مہمانوں کی کتاب میں تاثرات بھی درج کئے۔ وزیراعلیٰ محسن نقوی نے بانی پاکستان قائداعظم محمد علی جناحؒ کو شاندار الفاظ میں خراج عقیدت پیش کرتے ہوئے کہا کہ قائد اعظم ؒ کی ولولہ انگیز قیادت میں برصغیر کے مسلمانوں کیلئے آزاد وطن کا خواب شرمندہ تعبیر ہوا۔ تحمل،برداشت اوررواداری پر مبنی پرامن معاشرے کا قیام بانی پاکستان محمد علی جناحؒ کا خواب تھا۔ وزیراعلیٰ محسن نقوی نے کہا کہ قائداعظم ؒکے فرمودات پر عمل پیرا ہو کر پاکستان کو تمام بحرانوں سے نجات دلائی جا سکتی ہے اور بانی پاکستان محمد علی جناحؒ کے رہنما اصولوں کو اپنا کر پاکستان کو صحیح معنوں میں فلاحی ریاست بنایا جا سکتا ہے۔

اپنی رائے کا اظہار کریں

Your email address will not be published.