مکہ مکرمہ، ہلال احمر کی ٹیمیں معتمرین کو ایمرجنسی سروسز فراہم کرنے میں سرگرم

19

مکہ مکرمہ(این این آئی)مکہ مکرمہ ریجن میں ہلال احمر کے ڈائریکٹر جنرل ڈاکٹر مصطفی بن جمیل بلجون نے انکشاف کیا کہ ہلال احمر اتھارٹی نے رمضان المبارک کے لیے اپنے تمام ایمبولینس مراکز میں تیاریوں کو بڑھا دیا ہے۔ اس حوالے سے مختلف منصوبے اور پروگرام مرتب کئے گئے ہیں۔

میڈیارپورٹس کے مطابق ماہ صیام میں مکہ مکرمہ اور وسطی خطے اور مقدس شہر کے داخلی راستوں پر النوریہ، الزایدی، اللیث، الکر اور الشریعہ کے ریزرویشنز میں سے ہر ایک میں خدمات فراہم کرنے کے لیے ایمبولینس فراہم کی گئی ہے۔ بیت اللہ شریف میں آنے والے افراد کی تعداد میں اضافے کے پیش نظر ایمرجنسی سروسز کے معیار کو بھی بلند کردیا گیا ہے۔ڈاکٹر مصطفی بن جمیل بلجون نے وضاحت کی کہ اتھارٹی نے اس سیزن میں 20 سائیکلوں کے ساتھ ایک سائیکل سروس کا بھی افتتاح کردیا ہے۔ یہ ان اختراعی آئیڈیاز میں سے ایک ہے جسے اتھارٹی نے اپنے ایمبولینس فلیٹ میں متعارف کرایا ہے۔ یہ سائیکل ایمبولینس ہنگامی صورت حال میں بڑی ایمبولینس کے پہنچنے تک فوری رسائی حاصل کرکے لوگوں کو ابتدائی طبی امداد فراہم کرنے میں معاون ثابت ہوگی۔ڈاکٹر مصطفی کے مطابق رمضان پلان میں آفات سے نمٹنے والی گاڑیوں کو بھی مہیا کیا گیا ہے۔ ان گاڑیوں میں ایک بس طویق شامل ہے۔ اس بس میں 10 زخمیوں کو منتقل کرنے کی گنجائش ہے۔ اس طرح کی بس میں تمام طبی آلات، مربوط ابتدائی طبی امدادی کٹس، اور الیکٹرک شاک کے آلات موجود ہیں۔

ان گاڑیوں میں ایک ڈیزاسٹر وہیکل ھداج ہے۔ یہ گاڑی تنگ مقامات سے مریضوں کو لے جانے کے لیے کھوکھلی سٹریچرز پر اور 10 فرسٹ ایڈ بیگز کے علاوہ 45 آکسیجن سلنڈرز پر مشتمل ہے۔گاڑیوں میں سے ایک گاڑی سند ہے جس میں طبی استعمال کی اشیا ہوتی ہیں۔

اسی طرح ایک گاڑی ثریا بھی ایمرجنسی سروسز کی گاڑیوں کی فہرست میں شامل ہے۔ یہ ایک کمانڈ اینڈ کنٹرول گاڑی ہے، اس میں ایک منی آپریٹنگ روم ہے اور یہ ایونٹ کی نگرانی کرنے اور یہ روم ایمبولینس ٹیموں کو کنٹرول کرنے کی صلاحیت رکھتا ہے۔

اس روم سے ہنگامی پیغامات بھیجے اور وصول کیے جاتے ہیں۔ریڈ کریسنٹ اتھارٹی کو ایمرجنسی سروس کی درخواست نمبر 997 کے ذریعے دی جاسکتی ہے۔ اسی طرح ہیلپ می ایپ کے ذریعہ بھی ریڈ کراس ٹیم کو بلایا جاسکتا ہے۔

اپنی رائے کا اظہار کریں

Your email address will not be published.