مونس الٰہی کے دوست کو اینٹی کرپشن نے سیشن کورٹ سے گرفتار کر لیا

7

لاہور ( این این آئی) پاکستان تحریک انصاف کے رہنما و سابق وفاقی وزیر مونس الٰہی کے دوست سہیل اصغر اعوان کو اینٹی کرپشن پنجاب نے سیشن کورٹ لاہور سے گرفتار کر لیا۔ ملزم سہیل اصغر اعوان پر نبیہہ برج ٹو چتن والا روڈ گجرات کی تعمیر و مرمت کا ٹھیکہ اپنے من پسند ٹھیکیدار کو دلوانے کا الزام ہے ۔ترجمان اینٹی کرپشن کے مطابق چوہدری مونس الٰہی کے دوست سہیل اصغر اعوان نے سڑک کی تعمیر و مرمت میں 5ملین کا کک بیک وصول کیا۔سہیل اصغر اعوان نے سڑک کی تعمیر ومرمت میں ناقص میٹریل استعمال کروا کر سرکاری خزانے کو کروڑوں روپے کا ٹیکا لگایا۔ترجمان کے مطابق سہیل اصغر اعوان کو گوجرانوالہ میں درج مقدمہ نمبر 6/23میں گرفتار کیا گیا ہے۔

اپنی رائے کا اظہار کریں

Your email address will not be published.