امریکی سفیر کی فواد چوہدری سے ملاقات‘ عوامی اور سیاسی حلقوں میں چہ مگوئیاں

13

اسلام آباد(مانیٹرنگ ڈیسک) پاکستان میں امریکا کے سفیر ڈونلڈبلوم کا اچانک تحریک انصاف کے نائب سربراہ فواد چوہدری کی اقامت گاہ پہنچ کر ان سے ملاقات کرنا عوامی اور سیاسی حلقوں میں چہ مگوئیوں کا موضوع بن گیا ہے جس کا اظہار ٹوئٹر اور سوشل میڈیا کے دیگر پلیٹ فارمز پر کیاجارہاہے جس میں غصے ‘حیرت اورخفگی کا اظہار کیاجارہاہے ۔

اس تصویر میں جو فوادچوہدری کی اہلیہ عباچوہدری نے جاری کی ہے اور وہ اس کے وسط میں کھڑی ہیں جبکہ ان کے دائیں امریکی سفیر اور بائیں ان کے شوہر ایستادہ ہیں ۔جنگ اخبار میں صالح ظافر کی خبر کے مطابق ٹوئٹر پرایک صارف نے تحریرکیاکہ مسٹراینڈمسزغلام اپنے آقا ڈونلڈ بلوم کی آمد پر شاداں وفرحاں دکھائی دے رہے ہیں ۔ایک خاتون نے تبصرہ کرتے ہوئے پر مزاح انداز میں کہا کہ ڈونلڈبلوم وہ خط واپس لینے آئے ہیں جسے سفارتی سندیسہ کہاگیاتھا ۔صارف نے شاعری کی زبان میں کہاکہ ’’یہ پریم پتر مجھے واپس کردو‘‘۔ایک صارف نے تحریر کیا ہے کہ فواد چوہدری امریکی سفیر سے سازباز کرکے عمران خان کے خلا ف سازش کررہے ہیں‘ ایک نے لکھا کہ ایبسلوٹلی ناٹ سے ایبوسلوٹیلی یس ‘‘ڈونلڈ بلوم سے ڈونلڈ بلوم تک امریکی سازش سے محسن نقوی تک ،اس صارف نے فواد چودھری اوران کی اہلیہ کو اس ٹی شرٹ فیس ملبوس دکھایا ہے جس پر عمران کی تصویر کے ساتھ ایبوسلوٹیلی ناٹ تحریر ہے۔ ایک اورنے تحریر کیا ہے ڈیوڈ لو کے لئے نوارڈیلوڈبلوم کے لئے ہاں۔ آخر چکر کیا ہے؟

ایک مبصر نے تحریر کیا ہے کہ پاکستان میں قابل اعتماد شریک کار کی تلاش میںامریکی سفیر آخر کار صحیح جگہ پر پہنچ گئے ہیں یہ تصویر ایک ہزار تزویراتی لفظوں کو بیان کرتی ہے کہ عمران پراجیکٹ کا فیز۔2 ،ایک صارف نے لکھا ہے کہ برے ڈیوڈ لو سے اچھے ڈیوڈبلو تک ، ٹوئیٹر کے ایک صارف نے تحریر کیا ہے کہ حبا فواد ، ڈیوڈ بلوم سے مزید ایک دھرنے کی منصوبہ بندی کے لئے مشاورت کررہی ہے تاکہ سی پیک نے حال ہی میں جو تیزی پکڑی ہے اس کا راستہ کار جائے۔علاوہ ازیں وزیردفاع خواجہ آصف نے فواد چوہدری سے امریکی سفیر کی ملاقات پر تبصرہ کرتے ہوئے کہاہے کہ بیرونی سازش جب گھر آجائے تو اس کو اندرونی سازش کہتے ہیں ۔اس حوالے سے پی ٹی آئی رہنما کا کہنا تھاکہ امریکی سفیر سے ملاقات پانچ چھ روز پہلے ہوئی تھی۔

موضوعات:امریکی سفیر

امداد کے منتظر مزید دو ادارے

’’مجھے گفٹ نہیںچاہیے‘ کپڑے بھی نہ دیں‘ مجھے تو بس’’سجادہ‘‘دے دیں‘ یہ مطالبہ حجاب میں ملبوس چھوٹی سی بچی کر رہی تھی‘ اس نے ہمیں گرم شال بھی واپس کر دی‘ مہمت نے بتایا یہ بچی کہہ رہی ہے مجھے جائے نماز چاہیے‘میں نے کئی دنوںسے نماز نہیںپڑھی‘ میںنے فوراً اپنے بیگ سے بچی کو سفری جائے نماز نکال کر ….مزید پڑھئے‎

’’مجھے گفٹ نہیںچاہیے‘ کپڑے بھی نہ دیں‘ مجھے تو بس’’سجادہ‘‘دے دیں‘ یہ مطالبہ حجاب میں ملبوس چھوٹی سی بچی کر رہی تھی‘ اس نے ہمیں گرم شال بھی واپس کر دی‘ مہمت نے بتایا یہ بچی کہہ رہی ہے مجھے جائے نماز چاہیے‘میں نے کئی دنوںسے نماز نہیںپڑھی‘ میںنے فوراً اپنے بیگ سے بچی کو سفری جائے نماز نکال کر ….مزید پڑھئے‎

اپنی رائے کا اظہار کریں

Your email address will not be published.