ہائیکورٹ نے پرویز الٰہی کی گرفتاری کیلئے پولیس کے چھاپے روکنے کی استدعا پر فیصلہ سنا دیا

7

لاہور( این این آئی)لاہور ہائیکورٹ نے تحریک انصاف کے صدر اور سابق وزیراعلی پنجاب چودھری پرویز الٰہی کی گرفتاری کیلئے پولیس کے چھاپے فوری روکنے کی استدعا مسترد کر دی۔لاہور ہائیکورٹ میں سابق وزیراعلی پنجاب چودھری پرویز الٰہی کی رہائش گاہ پر پولیس اور اینٹی کرپشن کے آپریشن کے خلاف درخواست پر سماعت ہوئی۔

لاہور ہائیکورٹ کے جسٹس سردار سرفراز ڈوگر نے چودھری پرویز الٰہی کے بیٹے راسخ الٰہی کی درخواست پر سماعت کی۔دوران سماعت درخواست گزار کے وکیل کہا کہ سابق وزیر اعلی کے گھر پر غیر قانونی طور پر پولیس آپریشن کیا گیا، لاہور ہائیکورٹ سے ضمانت لینے کے باوجود پرویز الٰہی کی گرفتاری کی کوشش کی گئی۔پولیس کی جانب سے پرویز الٰہی کے گھر چھاپہ عدالتی حکم کی واضح خلاف ورزی ہے، عدالت نے چودھری پرویز الٰہی کی حفاظتی ضمانت منظور کر رکھی ہے۔جسٹس سردار سرفراز ڈوگر نے کہا کہ کس قانون کے تحت عدالت گرفتاری سے روک سکتی ہے؟، جب تک رپورٹ نہیں آتی کیسے آپ کی بات مان سکتے ہیں؟، پولیس کو اپنا زور لگانے دیں جب معاملہ عدالت آئے گا تو دیکھ لیں گے۔عدالت نے آئی جی اور ڈی جی اینٹی کرپشن کو قانون کے دائرے میں رہتے ہوئے کام کرنے کی ہدایت کرتے ہوئے آئندہ سماعت پر ڈی جی اینٹی کرپشن اور آئی جی پنجاب سے تفصیلی رپورٹ بھی طلب کرلی ہے۔

اپنی رائے کا اظہار کریں

Your email address will not be published.