ثنا میر نے بابر کے مداحوں کی تنقید کے بعد خاموشی توڑ دی

15

لاہور (این این آئی) پاکستان ویمن کرکٹ ٹیم کی سابق کپتان ثنا میر نے خود پر تنقید کیے جانے کے بعد اپنے بیان پر وضاحت پیش کی ہے۔پنڈی میں دوسرے ون ڈے میچ میں فخر زمان نے شاندار سنچری اسکور کی جس کی بدولت پاکستان کو 7 وکٹوں سے کامیابی حاصل ہوئی،فخر کی اس کارکردگی پر تجزیہ کرتے ہوئے ثنا میر نے کہا کہ فخر زمان ہمیشہ ٹیم کے لئے رنز کرتے ہیں۔

ثنا میر کی یہ ویڈیو وائرل ہوئی جس میں وہ کہہ رہی ہیں کہ ہم آف ائیر بھی یہ بات کر رہے تھے کہ فخر زمان ہمیشہ ٹیم کے لئے رنز کرتے ہیں، اگر وہ سنچری اسکور کرتے ہیں تو ان کا اسٹرائیک ریٹ 100نہیں بلکہ 125کا ہوتا ہے جو 350کے قریب کا ہدف حاصل کرنے میں کافی اہم ہوتا ہے۔انہوں نے مزید کہا کہ یہی وجہ ہے کہ وہ (فخر)اس ٹیم کیلئے کافی اہمیت رکھتے ہیں، کیوں کہ جہاں ہمارے پاس پہلے ہی ٹیم میں ایسے کھلاڑی ہیں جو run a ball کھیلتے ہیں لہٰذا 300 سے زائد کا ہدف حاصل کرنے میں فخر کا کردار کافی اہم ہوجاتا ہے۔

ثنا میر نے اپنے تجزیے میں کسی کا نام نہیں لیا تاہم بابر اعظم کے فینز سیخ پا ہوگئے اور اپنے طور پر ہی یہ سوچ لیا کہ ثنا کا اشارہ بابر اعظم کی طرف تھا۔پاکستان ٹیلی ویژن کے ایک پروگرام میں گفتگو کرتے ہوئے ثنا نے اپنے وضاحتی بیان میں کہا کہ میں نے 8سال تک پاکستانی ٹیم کی قیادت کی اور ٹیمیں اس طرح بنتی ہیں کہ آپ کو مکس اینڈ میچ کرنا پڑتا ہے، ایک ٹیم میں 11شاہد آفریدی، 11فخر زمان یا 11بابر اعظم کا ہونا ممکن نہیں۔

انہوں نے کہا کہ آپ کو توازن قائم کرنا ہوتا ہے جہاں ایک کھلاڑی کریز پر جما رہتا ہے وہیں دوسرا ہدف کو مکمل کرنے کے لیے رسک لیتا ہے، اس لیے میں ہمیشہ اس بات کی اہمیت پر زور دیتی ہوں کہ 350رنز کے تعاقب میں اسٹرائیک ریٹ سے اوپر کھیلتے ہوئے سنچری اسکور کرنے والے کھلاڑی کی اہمیت ہوتی ہے۔ثنا نے کہا کہ دونوں پلیئرز کی ٹیم میں اہمیت ہے، لوگ بلا وجہ کوئی بھی بات کا مطلب نکال کے کسی بھی کھلاڑی کو ٹیگ کردیتے ہیں یا اس کے نام سے منسلک کردیتے ہیں، ماشااللہ بابر نے اپنے اسٹرائیک ریٹ کو بہتر بنایا ہے۔

موضوعات:ثنا میر

جانوروں سے بھی بدتر

ہسکی برفیلے علاقوں کے کتے ہیں‘ یہ سائبیریا‘ مشرقی یورپ اور قطب شمالی میں پائے جاتے ہیں‘ بھیڑیے کی نسل سے ہیں‘ جسمانی لحاظ سے طاقتور ہوتے ہیں اور سردی اوربھوک برداشت کر جاتے ہیں‘ برفیلے علاقوں کے لوگ انہیں برف گاڑی میں جوت کران سے باربرداری کا کام لیتے ہیں اور ہسکی کتے لوگوں اور سامان کو گھسیٹ کر ….مزید پڑھئے‎

ہسکی برفیلے علاقوں کے کتے ہیں‘ یہ سائبیریا‘ مشرقی یورپ اور قطب شمالی میں پائے جاتے ہیں‘ بھیڑیے کی نسل سے ہیں‘ جسمانی لحاظ سے طاقتور ہوتے ہیں اور سردی اوربھوک برداشت کر جاتے ہیں‘ برفیلے علاقوں کے لوگ انہیں برف گاڑی میں جوت کران سے باربرداری کا کام لیتے ہیں اور ہسکی کتے لوگوں اور سامان کو گھسیٹ کر ….مزید پڑھئے‎

اپنی رائے کا اظہار کریں

Your email address will not be published.