سرفراز احمد نے ورلڈ کپ کھیلنے کی خواہش کا اظہار کردیا

9

کراچی (این این آئی) سابق ٹیسٹ کپتان اور وکٹ کیپر بیٹسمین سرفراز احمد نے کہا ہے کہ جب تک کرکٹ کھیل رہا ہوں،انٹرنیشنل سطح پر کھیلنے کی خواہش ہے،کس کی خواہش نہیں ہوگی کہ وہ انٹرنیشنل کرکٹ کھیلے۔انہوں نے ان خیالات کا اظہار جنوبی افریقی ہائی کمیشن کے تحت نیشنل بینک کرکٹ ایرینا اسٹیڈیم میں نیلسن منڈیلا ٹیلنٹ ہنٹ پروگرام کی منعقدہ پریس کانفرنس میں کیا۔

پروگرام کے ایمبیسیڈر مقرر ہونے والے سرفراز احمد نے کہا کہ یہ پروگرام کراچی کے بچوں کے لیے بہترین ثابت ہوگا ،بچوں کو اس سے فائدہ اٹھانا چاہیے، ایسے با صلاحیت بچوں کو موقع دیں گے جنھیں زیادہ مواقع نہیں مل سکے، پروگرام سے 16 با صلاحیت بچوں کوتربیت کے لیے اگست میں جنوبی افریقہ بھیجا جائے گا،پی سی بی بھی اس پروگرام میں مدد کررہا ہے، ایسے اہل بچوں کو کو میٹ کی بنیاد پر منتخب کریں گے جن کو اب تک کوی موقع نہیں ملا،انڈر 16 سے لے کر انڈر 19 تک کرکٹرز کے ٹرالز ہونگے،60 منتخب کرکٹرز کی 4 ٹیمیں بنا کر حتمی 16 کھلاڑیوں کا تربیت کے لیے انتخاب ہوگا۔سرفرازاحمد نے کہا کہ یہ جنوبی افریقہ کی اچھی کاوش ہے، پاکستان میں جنوبی افریقہ کے ہائی کمشنر میتھوتھااوزولی ما دلکیزا نے کہا کہ نیلسن منڈیلا ٹیلنٹ ہنٹ کراچی بھر کے نوجوان پسماندہ کرکٹرز کو عوامی پلیٹ فارم پر اپنی صلاحیتوں کا مظاہرہ کرنے اور پیشہ ورانہ کرکٹ کھیلنے کی اپنی خواہشات کو آگے بڑھانے کا موقع فراہم کرے گا۔

ہماری لیگ اس بات پر یقین رکھتی ہے کہ ہر بچے کو خواہ اس کے سماجی و معاشی پس منظر، نسل یا عقیدے سے تعلق رکھتے ہوں ان کے خوابوں کو حقیقت میں بدلنے کا مناسب موقع دیا جائے۔ پاکستان میں جنوبی افریقہ کے ہائی کمیشن کے ساتھ مل کر، ہم اپنی کمیونٹیز میں پائیدار مثبت تبدیلی کے لیے کھیل کی طاقت کو ایک ذریعہ کے طور پر استعمال کرتے ہوئے اجتماعی اتحاد، بے لوث اور انسانی خدمت کی طاقت کو مجسم کرنے کی کوشش کرتے ہیں۔

پاکستان اور جنوبی افریقہ کے درمیان ایک بھرپور تاریخ اور گہرا احترام مشترک ہے جو ہم چند ممالک کے ساتھ شیئر کرتے ہیں۔ ایک ساتھ، ہم تاریخی طور پر ناانصافی کے خلاف کھڑے ہوئے ہیں اور مساوات کی جدوجہد کو بہت اہمیت دی ہے۔ ہمارا مقصد ثقافتی تقسیم کو ختم کرنا، باہمی افہام و تفہیم کو فروغ دینا اور آنے والی نسل کے بچوں کو ایک بہتر کل کی امید دلانا ہے، جیسا کہ منڈیلا نے اپنی زندگی کے دوران کیا تھا۔

اس مقصد کے لیے انڈر 19کرکٹرز کے لیے ٹرائلز رواں ماہ کے تیسرے ہفتے کراچی میں ہوں گے – تاریخ کا اعلان مقررہ وقت میں کیا جائے گا، ہمارے پاس سرفراز احمد(سابق پاکستانی کپتان)اور فواد عالم (ٹیسٹ)کی کوچنگ/سلیکشن پینل کی پسند کی ٹیمیں ہوں گی۔ کرکٹر اور کراچی کرکٹ کے چند دیگر معروف نام کراچی کے ابھرتے ہوئے ستاروں کے ساتھ کرکٹ کے بارے میں اپنا علم شیئر کریں گے۔ منتخب کھلاڑی جنوبی افریقہ میں کرکٹ کے عظیم کھلاڑیوں سے بھی کھیلیں گے اور اپنی زندگی کا تجربہ حاصل کریں گے۔ انہوں نے کہا کہ ہم جنوبی افریقہ سے فٹبال ٹیم پاکستان لانے کی کوشش کر رہے ہیں،نیلسن منڈیلا فٹبال کے ساتھ ساتھ باکسنگ کو بھی بہت پسند کرتے تھے ،کراچی میں جنوبی افریقہ کے اعزازی قونصل جنرل کراچی تبشیر احمد نے خیرمقدمی کلمات ادا کیے۔

موضوعات:۔سرفرازاحمد

جانوروں سے بھی بدتر

ہسکی برفیلے علاقوں کے کتے ہیں‘ یہ سائبیریا‘ مشرقی یورپ اور قطب شمالی میں پائے جاتے ہیں‘ بھیڑیے کی نسل سے ہیں‘ جسمانی لحاظ سے طاقتور ہوتے ہیں اور سردی اوربھوک برداشت کر جاتے ہیں‘ برفیلے علاقوں کے لوگ انہیں برف گاڑی میں جوت کران سے باربرداری کا کام لیتے ہیں اور ہسکی کتے لوگوں اور سامان کو گھسیٹ کر ….مزید پڑھئے‎

ہسکی برفیلے علاقوں کے کتے ہیں‘ یہ سائبیریا‘ مشرقی یورپ اور قطب شمالی میں پائے جاتے ہیں‘ بھیڑیے کی نسل سے ہیں‘ جسمانی لحاظ سے طاقتور ہوتے ہیں اور سردی اوربھوک برداشت کر جاتے ہیں‘ برفیلے علاقوں کے لوگ انہیں برف گاڑی میں جوت کران سے باربرداری کا کام لیتے ہیں اور ہسکی کتے لوگوں اور سامان کو گھسیٹ کر ….مزید پڑھئے‎

اپنی رائے کا اظہار کریں

Your email address will not be published.