پاکستان، بھارت میں فوجی اہلکاروں سمیت عام لوگوں کی آن لائن جاسوسی کا انکشاف

18

نیویارک(این این آئی)فیس بک کی مالک کمپنی میٹا کی ایک رپورٹ میں انکشاف کیا گیا ہے کہ پاکستان میں ایک آن لائن گروپ نے رواں سال کی پہلی سہ ماہی کے دوران بھارت اور پاکستان میں جعلی سوشل میڈیا اکائونٹس کے ذریعے فوجی اہلکاروں سمیت عام لوگوں کو ٹارگٹ کیا۔

غیرملکی خبررساں ادارے کی رپورٹ کے مطابق میٹا ویب سائٹ پر جاری کردہ ایڈورسرل تھریٹ رپورٹ، فرسٹ کوارٹر 2023 میں کہا گیا کہ جنوبی ایشیا میں سائبر جاسوسی کے 3 الگ الگ آپریشنز کے خلاف کارروائیاں کی گئی ہیں۔یہ آپریشنز سیکورٹی انڈسٹری میں بہاموت اے پی ٹی کے نام سے مشہور ہیکرز کے ایک گروپ کے علاوہ پیچ ورک اے پی ٹی اور پاکستان میں ایک اسٹیٹ-لنکڈ گروپ کے ذریعے فعال تھے۔رپورٹ میں فیس بک اور انسٹاگرام جیسے سوشل میڈیا پلیٹ فارمز پر میل ویئر جاری کرنے والی جعلی ایپلی کیشنز اور ویب سائٹس کی نشاندہی کی گئی جو جاسوسی کے علاوہ دنیا بھر میں مالی جرائم کے ارتکاب میں ملوث ہیں۔رپورٹ میں ایسے 6 نیٹ ورکس کے بارے میں معلومات فراہم کی گئی ہیں جنہیں پالیسیوں کی خلاف ورزی پر معطل کردیا گیا ہے۔

اپنی رائے کا اظہار کریں

Your email address will not be published.