کرکٹ کی تاریخ کا مہنگا ترین اوور کرا دیا گیا

6

کویت ( این این آئی) کرکٹ کی تاریخ منفی اور مثبت ریکارڈز سے بھری پڑی ہے اور جیسے جیسے کھیل میں نت نئے طریقے اور جدت آ رہی ہے ریکارڈز بھی بہت جلدی بن اور ٹوٹ رہے ہیں۔

غیرملکی میڈیا کے مطابق ون ڈے انٹرنیشنل کرکٹ میں ایک اوور میں سب سے زیادہ 36 رنز دو مرتبہ بنائے گئے ہیں جبکہ ٹیسٹ کرکٹ میں ایک اوور میں سب سے زیادہ 35 رنز کا ریکارڈ ہے اور اسی طرح ٹی ٹوئنٹی فارمیٹ میں بھی 2 مرتبہ ہی ایک اوور میں 36 رنز بنائے جا چکے ہیں۔رپورٹس کے مطابق اب ان سب سے زیادہ یعنی ایک اوور میں 46 رنز بھی بنا دیے گئے ہیں۔کویت میں فرنچائز لیگ کا ٹی ٹونٹی میچ ایک بولر کے لیے بہت ہی ڈرائونا خواب اس وقت ثابت ہوا جب اس نے اوور کی پہلی ہی گیند نو بال کرائی جس پر بیٹر نے چھکا مار دیا، جس کے بعد کی گیند پر 4بائز کے رنز بھی ملے اور پھر اوور کی دیگر 5گیندوں پر بیٹر نے 5 چھکے مارے جن میں سے ایک چھکا دوبارہ نوبال پر مارا گیا۔اسپن بولر نے اوور کی آخری گیند پر بائونڈری دے کر مکمل اوور میں 46 رنز دیئے ۔سوشل میڈیا پر اس میچ سے متعلق صارفین دلچسپ تبصرے کر رہے ہیں۔

اپنی رائے کا اظہار کریں

Your email address will not be published.