بابراعظم نے 2 ورلڈ ریکارڈ بنا ڈالے

15

کراچی (این این آئی)پاکستان کے کپتان بابر اعظم کراچی میں نیوزی لینڈ کے خلاف چوتھے میچ کے دوران 5 ایک روزہ بین الاقوامی رنز مکمل کرنے والے تیز ترین بلے باز بن گئے۔28 سالہ بیٹر نے اس وقت جنوبی افریقہ کے ہاشم آملہ کا ریکارڈ توڑ دیا جب انہوں نے نیوزی لینڈ کی جانب سے بالنگ کے فیصلے کے بعد پاکستان کی اننگز کے دوران اپنے 19 تک پہنچنے کے لیے سنگل لیا۔

یہ 99ایک روزہ بین الاقوامی میچز میں اعظم کی 97 ویں اننگز ہے، اس سے قبل ہاشم آملہ نے 104 میچز کی 101 اننگز میں یہ سنگ میل عبور کیا تھا۔گزشتہ سال بابر اعظم 81 اننگز میں تیز ترین 4 ہزار ون ڈے رنز کے ہاشم آملہ کے ریکارڈ کی برابری میں معمولی فرق سے پیچے رہ گئے تھے۔پاکستانی کپتان گزشتہ دو سالوں سے انٹرنیشنل کرکٹ کونسل کی ون ڈے رینکنگ میں نمبر ون بلے باز ہیں۔

وہ ایک روزہ کرکٹ میں 5 ہزار یا اس سے زیادہ رنز مکمل کرنے والے 14ویں پاکستانی ہیں، سابق کپتان انضمام الحق سب سے زیادہ رنز بنانے والے پاکستانی کھلاڑیوں کی فہرست میں 11 ہزار 701 رنز کے ساتھ سب سے اوپر ہیں۔مایہ ناز بیٹر بابر اعظم نے مئی 2015 میں اپنے آبائی شہر لاہور میں زمبابوے کے خلاف ون ڈے ڈیبیو کیا تھا۔وہ تین ون ڈے میچز میں دو بار لگاتار سنچریاں بنانے والے واحد بلے باز بھی ہیں،

انہوں نے 2016 اور 2022 میں یہ کارنامہ انجام دیا۔دوسری جانب نمبر ون بیٹر بابر اعظم نے ون ڈے انٹرنیشنل کرکٹ میں ایک اور سنگ میل عبور کرتے ہوئے سب سے کم اننگز میں 18 سنچریوں کا ورلڈ ریکارڈ بھی اپنے نام کر لیا۔ پاکستانی کپتان ستانوے ویں اننگز میں اٹھارویں سنچری اسکور کرنے کے بعد سو سے کم اننگز میں 18 سنچری کرنے والے پہلے بیٹر بن گئے۔اس سے قبل ہاشم آملہ نے یہ کارنامہ 102، ڈیوڈ وارنر نے 115 جبکہ کوہلی نے 119 اننگز میں انجام دیا تھا۔

واضح رہے کہ بابر اعظم اپنی تیرہویں، چودھویں، پندرہویں، سولہویں اور سترہویں سنچری بھی سب سے کم اننگز میں اسکور کر چکے ہیں۔یہ بھی یاد رہے کہ نیوزی لینڈ کیخلاف جاری سیریز کے چوتھے ون ڈے میچ میں 100سے کم اننگز میں 5 ہزار رنز کرنے والے بیٹر کا اعزاز بھی اپنے نام کر لیا تھا اور وہ 97 اننگز میں یہ سنگ میل عبور کرنے والے پہلے کرکٹر بھی بن چکے ہیں۔

موضوعات:بابراعظم

خودکش ایٹمی دھماکے

عمران خان کی پرویز خٹک اور صدر عارف علوی سے ناراضگی 18 مارچ کو سٹارٹ ہوئی‘ اسلام آباد کی ایڈیشنل سیشن کورٹ نے عمران خان کو18 مارچ کوطلب کر رکھا تھا‘ عمران خان اس دن بھی عدالت نہیں جانا چاہتے تھے لیکن صدر عارف علوی اور پرویز خٹک نے انہیں راضی کر لیا‘ ان دونوں کا خیال تھا عمران خان ….مزید پڑھئے‎

عمران خان کی پرویز خٹک اور صدر عارف علوی سے ناراضگی 18 مارچ کو سٹارٹ ہوئی‘ اسلام آباد کی ایڈیشنل سیشن کورٹ نے عمران خان کو18 مارچ کوطلب کر رکھا تھا‘ عمران خان اس دن بھی عدالت نہیں جانا چاہتے تھے لیکن صدر عارف علوی اور پرویز خٹک نے انہیں راضی کر لیا‘ ان دونوں کا خیال تھا عمران خان ….مزید پڑھئے‎

اپنی رائے کا اظہار کریں

Your email address will not be published.