ایلون مسک کا فٹبال فرینچائز مانچسٹر یونائیٹڈ خریدنے کا ارادہ

58

واشنگٹن (این این آئی)معروف امریکی کمپنی ٹیسلا اور اسپیس ایکس کے بانی ایلون مسک نے ٹوئٹر ڈیل میں ناکامی کے بعد فٹبال فرینچائز مانچسٹر یونائیٹڈ خریدنے کا ارادہ ظاہر کیا ہے۔

میڈیارپورٹس کے مطابق ایلون مسک مائیکرو بلاگنگ ویب سائٹ ٹوئٹر پر اکثر ہی غیر روایتی انداز میں ٹوئٹس کرتے رہتے ہیں، اس لیے یہ کہنا قبل از وقت ہوگا کہ انہوں نے مانچسٹر یونائیٹڈ کو خریدنے کے لیے باقاعدہ کسی معاہدے پر عمل کرنے کا ارادہ کیا ہے یا نہیں۔تاہم، انہوں نے حال ہی میں ٹوئٹر پر اپنے ایک ٹوئٹ میں امریکا کی موجودہ سیاسی صورتحال پر اپنے خیالات کا اظہار کیا اور ساتھ یہ بھی لکھا کہ میں مانچسٹر یونائیٹڈ بھی خرید رہا ہوں۔خیال رہے کہ مانچسٹر یونائیٹڈ فٹبال کی سب سے مشہور فرینچائز ہے لیکن شائقین حالیہ چند برسوں کے دوران کلب کی ناقص کارکردگی کی وجہ سے فرینچائز کے موجودہ امریکی مالک سے ملکیت چھوڑنے کا مطالبہ کر رہے ہیں۔

اپنی رائے کا اظہار کریں

Your email address will not be published.