فلم ’پٹھان‘ میں شاہ رخ خان کا شاٹ گن کے ساتھ دبنگ اسٹائل وائرل

25

ممبئی(این این آئی) بالی وڈ کنگ شاہ رخ خان کی نئی آنے والی فلم ’پٹھان‘ کی نئی ایکشن سے بھرپور تصویر سوشل میڈیا پر وائرل ہوگئی۔نئی تصویر یش راج فلمز نے انسٹاگرام پر شیئر کی ہے، فلم ’پٹھان‘ کے ساتھ شاہ رخ خان کی چار برس بعد مرکزی کردار میں واپسی ہورہی ہے۔شاہ رخ خان فلم میں ایک جاسوس کا کردار ادا کریں گے اور ٹریلر سے اشارہ ملتا ہے کہ یہ کردار ’مشن امپاسیبل‘ والی فلموں جیسا ہوگا۔فلم ’پٹھان‘ یش راج فلمز کے ایک مشترکہ جاسوسی فلموں کے پروجیکٹ کا حصہ ہے جس کے تحت سلمان خان کی ’ٹائیگر سیریز‘ اور ریتھیک روشن کی ’وار‘ شامل ہیں۔’پٹھان‘ میں دپیکا پڈوکون اور جان ابراہام نے بھی کردار ادا کیے ہیں اور فلم کا پہلا ٹریلر کنگ خان کے جنم دن کے موقع پر پچھلے ماہ جاری کیا گیا تھا۔

اپنی رائے کا اظہار کریں

Your email address will not be published.