اپنا اختیار استعمال کریں گے، انتخابات ہوئے تو بالکل تیار ہیں‘عظمیٰ بخاری

25

لاہور( این این آئی) پاکستان مسلم لیگ (ن) پنجاب کی سیکرٹری اطلاعات عظمیٰ بخاری نے کہا ہے کہ ہم اپنا اختیار استعمال کریں گے، انتخابات کے لیے بالکل تیار ہیں، الیکشن ہوا تو بھرپور انداز میں لڑیں گے۔انہوں نے اپنے ایک بیان میں

چیئرمین پی ٹی آئی پر تنقید کرتے ہوئے کہا ہے کہ عمران خان کو اس ملک اور اسمبلیوں سے کچھ لینا دینا نہیں، وہ حکومت میں رہتے ہوئے بھی کنٹینر پر چڑھے ہوئے تھے۔عمران خان اور پرویز الٰہی کو ایک دوسرے کی معاونت کرنی ہے، ہمارے پاس اختیار ہے کہ ہم عدم اعتماد کے ذریعے ان کو روکیں۔عظمیٰ بخاری نے کہا کہ ہم نے اسٹیبلشمنٹ کے کردار پر ہمیشہ بات کی ہے، اگر غلطیوں کو سدھار کر آگے بڑھا جائے تو اچھی بات ہے۔انہوں نے مزید کہا کہ ہم نے ووٹ کو عزت دو کا نعرہ لگایا تھا، اللہ تعالی نے نواز شریف کو کامیابی دی۔عظمی بخاری نے کہا کہ پرویز الٰہی اتنی بڑی توپ چیز نہیں ہیں جن کی وجہ سے (ن) لیگ اپنی پالیسی بدلے گی۔

اپنی رائے کا اظہار کریں

Your email address will not be published.