اداکارہ شگفتہ اعجاز نے اپنی عمر سے متعلق وکی پیڈیا پر درج معلومات کو غلط قرار دیدیا

188

لاہور (این این آئی) پاکستان شوبز انڈسٹری کی معروف اداکارہ شگفتہ اعجاز نے اپنی عمر سے متعلق وکی پیڈیا پر درج معلومات کو غلط قرار دے دیا۔

وکی پیڈیا پر اداکارہ شگفتہ اعجاز کی عمر 63 برس لکھی گئی ہے، اپنے ایک بیان میں انہوں نے وکی پیڈیا کی معلومات کو غلط قرار دیتے ہوئے بتایا کہ میری عمر اس وقت 52 برس ہے، ماضی میں ٹی وی پر مجھے اس طرح دکھایا جاتا تھا کہ میں زائد العمر لگتی تھی جس پر مجھے غصہ آتا تھا۔اداکارہ نے کہا کہ ممکنہ طور پر مجھے کم عمری میں اچھے اور ماں کے کردار کی وجہ سے زائد العمر دکھایا جاتا تھا جس سے میں کیمرے میں 18 سال کی عمر میں بھی 25 سال کی لگتی تھی، میں شوبز میں مکمل طور پر آنے سے قبل انٹرنیشنل ایئرلائنز میں ایئرہوسٹس تھی۔ایک سوال کے جواب میں انہوں نے شوبز انڈسٹری کو بہت ہی خوبصورت اور اچھی انڈسٹری قرار دیتے ہوئے کہا کہ وہ نہ صرف اپنی بیٹیوں بلکہ دوسری لڑکیوں کو بھی تجویز دیں گی کہ وہ لازمی طور پر اس انڈسٹری میں آئیں۔

اپنی رائے کا اظہار کریں

Your email address will not be published.