شاہ رخ کی پٹھان، 100 سے زیادہ ملکوں میں ریلیز ہونے والی پہلی بھارتی فلم

35

ممبئی (مانیٹرنگ ڈیسک این این آئی)کنگ خان شاہ رخ خان کی فلم پٹھان بدھ ریلیز سے پہلے ہی کئی ریکارڈ اپنے نام کرلیے تھے ۔ ٹریڈ اینالسٹ ترن آدرش کے مطابق پٹھان کو 100 سے زیادہ ملکوں میں ریلیز کیا جائے گا، یہ پہلی انڈین فلم ہے جو اتنے ملکوں میں ریلیز ہوئی ہے۔ خیال رہے کہ بالی ووڈ سپر سٹار شاہ رخ خان کا نیا انداز مداحوں کو بھا گیا، فلم پٹھان نے دنیا بھر سے صرف 2دن میں 220کروڑ کما لئے۔بھارتی میڈیا کے مطابق فلم نے بزنس کے حوالے سے بھارت اور بیرون ملک دونوں دن نئے ریکارڈز قائم کیے ہیں اور بہت حد تک یقینی ہے کہ فلم تیسرے دن بھی کمائی کے حوالے سے ریکارڈ قائم کرے گی۔رپورٹس کے مطابق فلم پٹھان کے پیسے کمانے کی رفتار میں کمی نہیں آرہی، فلم نے پہلے دن دنیا بھر میں 105کروڑ کا بزنس کیا جبکہ دوسرے دن فلم نے 113کروڑ سے زائد کمائے۔بھارتی میڈیا کا کہنا ہے کہ فلم پٹھان آنے والے دنوں میں مزید بزنس کر کے ریکارڈز قائم کرے گی جو کہ طویل وقت تک قائم رہ سکتے ہیں۔دوسری جانببالی ووڈ فلم پٹھان میں شاہ رخ اور سلمان خان کو ایک ساتھ دیکھ کر شائقین بیحد خوش ہیں لیکن زیادہ تر کو یہ نہیں معلوم کہ اس میں عامر خان کی بہن بھی شامل ہیں۔نگہت خان عامر خان کی بڑی بہن ہیں، انہوں نے پٹھان میں شاہ رخ خان کے ساتھ ایک منظر میں اداکاری کی ہے۔نگہت نے ان پرستاروں کا شکریہ ادا کیا جنہوں نے انہیں فلم میں دیکھ کر پہچان لیا تھا۔فلم کا منظر دیکھ کر معلوم ہوتا ہے کہ عامر خان کی بہن نے اس افغان عورت کا کردار ادا کیا ہے جو شاہ رخ خان کو گائوں بچانے پر دعائیں دیتی ہے۔

اپنی رائے کا اظہار کریں

Your email address will not be published.