مریم نواز کے طیارے میں میڈیکل ایمرجنسی

اسلام آباد، لاہور (این این آئی)وفاقی وزیر اطلاعات مریم اورنگزیب نے کہاہے کہ مریم نواز کو وطن واپس لانے والے طیارے کی روانگی میں تاخیر کی وجہ اس میں سوار مسلم لیگ (ن) کے ایک کارکن کی طبیعت کی اچانک خرابی تھی۔ مریم اور نگزیب نے اپنے بیان میں بتایاکہ مریم نواز

کو وطن واپس لانے والے طیارے کی روانگی میں تاخیر کی وجہ اس میں سوار مسلم لیگ (ن) کے ایک کارکن کی طبیعت کی اچانک خرابی تھی۔وفاقی وزیر اطلاعات نے بتایاکہ جسے فوری طبی امداد کیلئے بھجوا دیا گیا ہے۔دوسری جانب  پاکستان مسلم لیگ (ن)کی سینئر نائب صدر و چیف آرگنائزر مریم نواز نے قومی ایئرلائن کی پرواز میں اکانومی کلاس میں عام مسافروں کے ہمراہ سفر کیا ۔مریم نواز کے ہمراہ آنے والے تمام رہنما بھی اکانومی کلاس میں بیٹھے ۔ اس موقع پر جہاز کے عملے اورعام مسافروں نے مریم نواز کے ہمراہ تصاویر اور سیلفیاں بھی بنائیں ۔علاوہ ازیں پاکستان مسلم لیگ (ن) کی سینئر نائب صدر و چیف آرگنائزر مریم نواز کی وطن واپسی پر صوبائی دارالحکومت لاہور میں خیر مقدمی بینرز کی بہار آ گئی ،لاہور کے مختلف علاقوں خصوصاًائیر پورٹ سے جاتی امراء جانے والے راستے پرمسلم لیگ(ن) کی قیادت کی تصاویر اور خیر مقدمی نعروں پر مبنی بینرز اور ہورڈنگز بورڈکئے گئے۔ تفصیلات کے مطابق مسلم لیگ (ن) لاہور تنظیم کی جانب سے پارٹی کی سینئر نائب صدر مریم نواز کی وطن واپسی کیلئے بھرپور تیاریاں کی گئیں ، شہر کی مرکزی شاہراہ مال روڈ سمیت دیگر شاہراہوں اور خصوصاً ائیر پورٹ سے جاتی امراء تک راستوں پر سینکڑوں کی تعداد میں خیر مقدمی بینرز آویزاں کئے گئے جبکہ اس کے ساتھ ساتھ مریم نواز، نواز شریف، شہباز شریف حمزہ شہباز سمیت دیگر لیگی رہنمائوں کی تصاویر والے ہورڈنگز بورڈ بھی آویزاں کئے ئے ۔