وہاب ریاض پہلے وزیر کھیل جو پی ایس ایل کھیلیں گے، سوشل میڈیا پر میمز کا طوفان

لاہور (مانیٹرنگ ڈیسک) پاکستان کے معروف کرکٹر وہاب ریاض کو پنجاب کی نگران کابینہ میں کھیل کی وزارت دینے پر سوشل میڈیا پر صارفین حیران ہیں اور ٹوئٹر پر میمز کی بھرمار ہے، اکثر صارفین وہاب ریاض کو وزیر کھیل بننے پر انیل کپور کی فلم نائیک کی صورتحال سے مطابقت قرار دے رہے ہیں، جس میں انیل کپور کو ایک دن کے لئے وزیراعلیٰ بنایا جاتا ہے، صارفین وہاب ریاض کو مبارکباد بھی پیش کر رہے ہیں، ایک صارف نے لکھا کہ وہاب ریاض وہ پہلے وزیر کھیل ہوں گے جو پاکستان سپر لیگ کھیلیں گے۔