پشاورمیں پولیس لائنز کی مسجد میں خودکش دھماکا، 28 افراد شہید ، 100 سے زائد زخمی ہو گئے

54

پشاور (مانیٹرنگ ڈیسک ) پولیس لائنز کی مسجد میں خودکش دھماکے میں 25 افراد شہید ہوگئے اور 100 سے زائد زخمی ہیں۔نجی ٹی وی جیو کےمطابق ریسکیو کے مطابق پشاور کے علاقے صدر پولیس لائنز میں مسجد کے اندر دھماکا ہوا، دھماکے کی آواز اتنی شدید تھی کہ دور دور تک سنی گئی جس میں متعدد افراد زخمی ہوئے جب کہ دھما کے کے بعد علاقے میں فائرنگ کی آوازیں بھی سنی گئی ہیں۔ریسکیو کا کہنا ہےکہ دھماکے کے بعد ریسکیو اہلکار موقع پر پہنچ گئے اور زخمیوں کو قریبی اسپتال منتقل کیا گیا جب کہ قانون نافذ کرنے والے اداروں کے اہلکار بھی موقع پر پہنچ گئے ہیں، سکیورٹی اہلکاروں نے علاقے کو سیل کردیا۔ترجمان لیڈی ریڈنگ اسپتال نے دھماکے میں اب تک 25 افراد شہید ہوچکے ہیں جن میں 18 پولیس اہلکار شامل ہیں جب کہ دھماکے میں 120 سے زائد افراد زخمی ہیں جن میں سے بیشتر زخمیوں کی حالت تشویشناک بتائی جارہی ہے۔

اپنی رائے کا اظہار کریں

Your email address will not be published.