حکومت ڈالرز مارکیٹ میں لانے کیلئے عوا م کا اعتماد حاصل کرے ‘ پیففا

74

لاہور( این این آئی)پاکستان انٹرنیشنل فریٹ فارورڈرز ایسوسی ایشن نے کہا ہے کہ حکومت ڈالرز مارکیٹ میں لانے کیلئے عوا م کا اعتماد حاصل کرے ،ڈالرز کی اسمگلنگ میں ملوث عناصر کے خلاف بلا تفریق کارروائی کی جائے اور انہیں عبرت کا نشان بنایا جائے ،

کورونا وباء کے دوران تین سال تک مشکلات کا سامنا کرنے والا فریٹ فارورڈرز کا شعبہ ایک بار پھر انہی حالات سے دوچار ہے۔ ان خیالات کا اظہار ایسوسی ایشن کے سینئر وائس چیئرمین رانا طارق محمود،سابق چیئرمین محمد جمیل احمد،اظہار الحق قمر،محمد الیاس چودھر، ممبران ایگزیکٹو کمیٹی فرحان سلیم ،سیف اللہ خان،محمد ارشد اور اسد اللہ خان نے اپنے مشترکہ بیان میں کیا۔ انہوں نے کہا کہ جو ضروری درآمدات ہیں ان کیلئے ڈالرز کا انتظام کرنا حکومت کی ذمہ داری ہے ، اسٹیٹ بینک کی طرف سے بینکوں کوہدایات تو دی جاتی ہیں لیکن یہ محض دکھاوا ہے ۔ ایسے بہت سے درآمد کنندگان ہیں جو موخر ادائیگیوں پر درآمدات کی گارنٹی دے رہے ہیں لیکن ان کی بھی ایل سیز نہیں کھولی جارہیں ۔ انہوں نے کہاکہ برآمدات پہلے ہی کم ہو رہی ہیں جبکہ درآمدات میں حکومتی رکاوٹوں کی وجہ سے فریٹ فارورڈرز کا شعبہ شدید بحرانی صورتحال سے دوچار ہے ۔

اپنی رائے کا اظہار کریں

Your email address will not be published.